__________________________________M.Salih Dalin_______________________________

Ax kurdistana min ax

Li her derê kurdistanê 

Dijmina êrîş berdanê

Bi kuştin û bi lêdanê

Ax kurdistana min ax

 Kurdistan welatekî şêrîne

Tevde mêrg û tev kanîne

 Dîroka wê tev de xwîne

Ax Kurdistana min ax

Bi bombe û bi kîmyasala

Millet kuştin cîh ma vala  

Ma ne bese ev çi hale     

Ax Kurdistana min ax

 Kurdino rabin li me derenga 

Zerok mane libin tanga    

Li Kurdistan şer û cenga

Ax Kurdistana min ax     

Em dikin şerê serxwebûnê  

Şer germ bûye wek êtûnê

Ma ne şerma ku tu rûnê

 Ax Kurdistana min ax

Mizgînî li te bê dayka

KurdistanXort ji bo te di kin şerekî giran

Bi ser dijmin de di çin wekî şêran

Ax Kurdistana min ax

Kurd ji bo te  serî hildidin

Şehît ji bo te canê xwedidin

Em ticar te ji dest xwe berdidin

Ax Kurdistana min ax

Em sînora li ser te qebûl nakin

Emê dijmin ji hev belakin

Da em dilê xwe bi te şakin

Ax Kurdistana min ax

Ez aşiqê çîya û zozanê te

Ez aşiqê bax û bistanê te

Ez aşiqê koşk û eywanê te

Ax Kurdistana min ax

Ev hazar salin bi vî rengî 

Dijmin li me dikê tengî    

Ma tê bindest bê hata kengî

Ax Kurdistana min ax

Ji Kerkukê hata bi Edena 

Mûsil û Mehabat tev ê mena

Va em jî têra xwe hena

Ax Kurdistana min ax

 Nivîsîn (hevîdar)M.Salîh Dalin

1993  ALMANYA

Ax Kurdistana min <<< 22-09-06

 Copyright © Kovara Veger